Данни

Заглавие Фразелошки изрази и лексички специфичности во вратничкиот говор
Редакция

Публикувано от  Андрей Бояджиев

Авторско право

The Creative Commons Attribution 4.0 International (CC BY 4.0).

Резюме

Основната цел при изработка на овој труд е, сеопфатно да се разгледаат основните карактеристики кои ја одликуваат и одделуваат дијалектологијата и фразеологијата како посебни научни гранки во проучувањето на јазикот, но воедно и нивната компатибилност и комплексност во интегрираната наука дијалектна фразеологија. Поконкретно, во содржината на трудот можеме ќе ја наведеме главната карактеристика на фразеологизмите, а тоа се репродукцијата и преносното значење, како и зачестеноста и лесната подложност на модификации што резултира со варијантност и факултативност, која се пренесува од една до друга генерација на говорители од различно говорно подрачје. Од друга страна пак, во овој труд ќе дадеме етнолингвистички и културолошки преглед, придавајќи еден посебен белег на вратничко-полошките говори, со посебен осврт на вратничкиот говор, кој побудува силна заинтересираност за обработка.

Поради комплексната природа на темата ќе ги применуваме основните методи на индуктивност и дедуктивност. Неопходно е да се напомене дека ќе извршиме истражување преку интервјуирање и анализа на неколку говорители кои денес живеат во село Вратница, а кои ќе ни помогнат во собирањето на потребните материјали поврзани со содржината на темата, а сé со цел полесно и попластично да се доловат сите карактеристики на дијалектно, фразеолошко и лексичко рамниште.